Xornada Reivindicativa do Produto Caseiro

O produto caseiro é un patrimonio que non podemos perder, nin deixar que máis decisións das administracións llo entreguen ás industrias. Tamén é un recurso económico importante para moitas explotacións, sobre todo para as máis pequenas, que ademais maioritariamente están en mans de mulleres.

O Sindicato Labrego, o Colexio de Veterinarios da Coruña e a Fundación ACIVEGA organizan para o vindeiro venres 26 de Setembro en Compostela unha Xornada reivindicativa do produto caseiro. Ademais da xornada de información e debate haberá un mercado de produtos caseiros frescos e transformados.

Por qué esta xornada e este mercado agora?
A Consellaría do Medio Rural, está elaborando un Decreto co que pretende regular o produto caseiro. Dependendo de como sexan as normas que estableza este decreto, no futuro as explotacións poderán vender normalmente o seu produto caseiro ou perder definitivamente este dereito, como aconteceu no seu día coa augardente.

Para apuntarse está o teléfono 659 057 251.

Neste enlace podedes consultar o programa e máis información sobre a Xornada.

Publicado en: Blogue Novas Etiquetas(podes utilizálas para procurar artigos semellantes): compostela, mercado, xornada

Esta entrada publicouse , o Venres, 19 de Setembro de 2008 as 10:08 horas e está gardada baixo Blogue, Novas. Podes seguir cualquer resposta a esta entrada mediante o canal RSS 2.0. Podes deixar un comentario ou enviar un trackback dende o teu propio sitio.