Encontros de consumo esta fim-de-semana em Redondela!

Desde a Foliada Redondela, Festival de intercambio entre Galiza e Catalunya que este ano ten como eixos principais os hábitos de consumo e a mobilidade, convidávosmos a uns encontros que se van a realizar dentro da programación prevista para esta fin de semana.

O primeiro terá lugar o Venres ás 18 h no multiusos de Redondela e titulase:

- Encontro de cooperativas/asociacións… sobre outras posibilidades de alimentarnos, producir e/ou consumir

Onde participarán entre outras a:

- Asociación de consumo responsable Loaira de (Redondela)

- Hortas comunitarias Can Masdeu (Nou Barris) Máis información en: http://www.canmasdeu.net/wp/?page_id=20

- Cooperativa Userda (Nou Barris) Máis información en: http://userda-9.blogspot.com/

- Proxecto Amorodo (Ames, Rois e Dodro) Máis información en: http://www.proxectoamorodo.org

O segundo encontro terá lugar o Sábado ás 12 na casa da cultura e será un:

- Encontro de colectivos de consumo alternativo.

Neste encontro se tratará de amosar distintas posibilidades de facer cousas, ou obtelas sen necesidade de mercalas ou pagar por elas. Para iso virán desde Catalunya a falar da Xarxa d’intercanvi de coneixements, desde Ourense a explicarnos que é a Cousateca, e desde Vigo a explicarnos por exemplo como se pode trocar usando as novas tecnoloxías (este último está pendiente de confirmación).

Todos estes encontros se atopan dentro da programación da Foliada, (vola mandamos adxunta), que como veredes é moi completa e diversa.

Animámosvos a vir a Redondela e a participar nas actividades!

Publicado en: Blogue Comunicación Info Eirado Novas Etiquetas(podes utilizálas para procurar artigos semellantes): consumo, festival, foliada, Redondela

Esta entrada publicouse , o Xoves, 10 de Setembro de 2009 as 00:16 horas e está gardada baixo Blogue, Comunicación, Info Eirado, Novas. Podes seguir cualquer resposta a esta entrada mediante o canal RSS 2.0. Podes deixar un comentario ou enviar un trackback dende o teu propio sitio.