5 ª Xornada.Terra e Cultura Sustentable
4 de Novembro de 2009
5ª Xornada - Sábado 7 de novembro de 2009
AUGA E SUSTENTABILIDADE
PROGRAMA
10,00 Mesa Redonda – AUGA E SUSTENTABILIDADE: (modera A.C. Os Ameios)
Xestión sustentable de auga - Xan Neira Seijo, Agroecólogo
Xan Neira é Profesor de Planeamento de Recursos Hídricos da E.P.S. e responsable de numerosos Cursos de Agroecoloxía da USC; membro da Sociedade Galega de Agroecoloxía (SOGA); vogal responsable da Auga da Sociedade Española de Agricultura Ecolóxica; responsable da Campaña “Son de Auga, Latexos da Terra”, para a promoción do uso racional da auga de estudantes de secundaria; responsable e colaborador en proxectos e estudos de mellora no uso de auga en zonas regables, entre eles o proxecto AEFER (Agricultura Ecológica, Fuente de Empleo Rural), para promover o establecemento e conversión de agricultores e empresas á agricultura ecolóxica.
Depuración de augas con Microorganismos Efectivos EM - Andrés Reboreda, Reboreda S.L.
Reboreda s.l., ven traballando dende o ano 2003 con Microorganismos Efectivos como sustituto dos productos de síntese. O concepto dos Microorganismos Efectivos (EM©) foi desenvolvido polo profesor Teruo Higa da Universidade de Ryukyus, en Okinawa, Xapón. Os Microorganismos Efectivos revélanse como unha oportunidade no tratamento biolóxico de augas residuais en pozos e fosas sépticas, para a súa reutilización en sistemas de rego para a agricultura.
Sistemas de macrófitas para depuración de augas residuais – Analía Moares, Amigos da Terra
Analía Moares é a responsable do centro de educación ambiental As Corcerizas, onde Amigos da Terra apostou pola realización dunha balsa para depuración das augas residuais co sistema de plantas Macrofitas. O sistema FMF (Filtro de Macrofitas en Flotación) para a rexeración de augas residuais, é unha aplicación da investigación da Escola Superior de Enxeñeiros Agrónomos da Universidade Politécnica de Madrid (UPM), que permite a depuración de augas residuais mediante balsas de plantas de gran tamaño. O sistema FMF ten tido o seu recoñecemento internacional no Cumio mundial de Kyoto onde foi “Mención de honor” de Accións sobre a agua.
12,00 Obradoiro prático: Deseño de Sistema de depuración de Augas Residuais en Estanque.
Iremos ao rego e o estanque do Fogar do Santiso, onde preténdese deseñar unha balsa de depuración de augas, para reflexionar, coas persoas que participan na charla, de como realizar a intervención de xeito sustentable.
12,00 Mercadiño de artesáns, música e actividades para nen@s:
- Agora xa podemos brindar no Fogar, porque o vidro das nosas botellas vaise converter en “O DRUIDA POETA”. A escultura de OSCAR ALDONZA e TUCHO ABALO integrada na proposta RECICLArte: unha proposta de proxectos de creación aberta con materiais reciclables.
- Membros da Asociación de pais de minusválidos de Teo (ASPAMITE), amosarán en vivo a artesanía de realización de alfombras. Tamén estará de novo presente coa súa exposición de cestería, alfombras e encadernación, que realizan de cotío no seu programa de integración social e laboral.
- ACTIVIDADES PARA NEN@S: iremos ao regato e teremos XOGOS e DINÁMICAS de sensibilización sobre a auga, desde unha pinga, a choiva ata o mar, tamén poderemos ir á tarde aos Muiños cos maiores. Globos, maquillaxe e oparacaidas de mil cores, estarán de novo presentes para grandes e pequen@s.
- Haberá actuacións de MÚSICA POPULAR para ambientar os espazos e as actividades.
13,00 Proxección vídeo: “Los mensajes del agua”, de Masaru Emoto.
Este documental leva á linguaxe audiovisual o contido do libro do mesmo nome. “Mensajes del agua”, do doutor M. Emoto, é o resultado dos traballos de investigación procedentes da análise da auga de diversas procedencias mediante a utilización de resonancia magnética. Isto permite a observación do HADO (enerxías sutiles relacionadas coa conciencia) e amosa con imaxes da auga cristalizada, como ésta se ve influida por diversos factores coma a música ou a consciencia das persoas. Tanto no libro como no documental, evidénciase que os pensamentos e as emocións poden alterar a estrutura molecular da auga e poden facer comprender a forma tan íntima na que están conectados os seres humanos e o Universo.
16,30 Visita aos muiños da zona
Faremos un percorrido pola parroquia e bosques de Luou, achegándonos ao roteiro con muiños que percorre o Rego de Sestelo, pasando por varias aldeas da comarca.
Colaboran nesta xornada:
FOGAR DO SANTISO, CONCELLO DE TEO,
Amigos da Terra, Anxelot Design, Asociación Aspamite, Oscar Aldonza, Reboreda S.L,
Rede Amigos do Fogar do Santiso, Tucho Abalo, Xan Neira, Zamo Tamay.
