Un filme sobre café e comercio

Este xoves 28/01 as 20:30hs no local de Amarante-Verdegaia (Romero Donallo, 17)

BLACK GOLD (Ouro Negro)

Un filme sobre café e comercio

«Notábel: unha conmovedora e ao mesmo tempo escandalosa historia.» (The Daily Telegraph)- »Todo o mundo debería velo.» (The Daily Mirror) - »Provocativo e ben realizado.» (Sight & Sound)

As multinacionais do café dominan os centros comerciais e os supermercados, controlando unha industria que move máis de 80 billóns de dólares anuais, convertindo este produto na mercadoría comercializada máis valiosa do mundo despois do petróleo.

Mais namentres seguimos pagando máis e máis por un capuccino, o prezo que se lle paga ás comunidades campesiñas cultivadoras do prezado café segue sendo moi baixo, até o ponto de obrigar a moita desta xente a abandoar as colleitas.

En nengún lugar é máis evidente esta paradoxa que en Etiopía. Tadesse Meskela, adícase a protexer a máis de 74.000 mulleres e homes labregos da bancarrota. Entrementres esta xente está a se esforzar en cultivar algúns dos graos de café de maior calidade do mercado internacional, Tadesse percorre o mundo enteiro procurando compradores/as que paguen un prezo xusto por eles. Coas viaxes de Tadesse a Londres es a Seattle coma telón de fondo, o enorme poder das multinacionais que dominan o comercio de café sae a relucir.

«A nosa esperanza é que algún día o consumidor entenda qué é o que está bebendo. Os consumidores poden cambiar se se lles conciencia. Non é só o café, tódolos produtos están a se pagar a prezos moi baixos e os produtores están atopándose en situación moi difíciles». Tadesse Meskela

Publicado en: Blogue Novas Etiquetas(podes utilizálas para procurar artigos semellantes): amarante, filme, verdegaia

Esta entrada publicouse , o Xoves, 28 de Xaneiro de 2010 as 04:04 horas e está gardada baixo Blogue, Novas. Podes seguir cualquer resposta a esta entrada mediante o canal RSS 2.0. Podes deixar un comentario ou enviar un trackback dende o teu propio sitio.