Non deixes de pasar polo MERCADO DO TROCO que se celebrará o 19 de abril (quinta feira) entre as 18.00 h e as 21.00h polo Centro Social O Pichel (Santa Clara 21 – Compostela).

Desta volta a temática xirará arredor dos aparellos eletrónicos. Ficas convidada! xa que desta volta Eirado segue formando parte das entidades organizadoras.

COMO FUNCIONA ESTE ESPAZO DE TROCO?

(información tirada do sitio no facebook)
1. Os obxectos poderán trocarse no momento se atopas algo que sexa do teu gusto. Se non atopas nada …. non hai problema…. darémosche un vale para que recollas o teu obxecto trocado nos vindeiros mercadiños.

2. Tamén contaremos cun taboleiro para que deixes colgado o anuncio de obxectos de maiores dimensións ou valor, que non poidas traer in situ.

3. Temos tamén en mente o proxecto de abrir ao público un foro on line na mesma liña. Xa vos teremos ao tanto.

Propoñemos como primeiro tema o de «libros, películas, música, etc», se ben podes traer calquera tipo de obxecto.

Desta volta en Compostela o V Encontro da Rede Galega de Sementes.

Lugar de celebración: praza 8 de marzo (a carón da Porta do Camiño), no comezo da rúa de San Pedro.

Horario: a partir das 11 da mañá.

Entre outras actividades contarán con: troco de sementes, fornada popular cun obradoiro de cocción de pan, obradoiro de sementeira con compost, posto informativo, mercadiño de produtores, actividades para crianzas…

Tivemos a oportunidade de conhecer esta fermosíssima iniciativa da mao de Jose Ramón Pardal, o técnico encarregado, que ademais de umha ampla informaçom sobre os produtos que eles cultivam e nós consumimos, ensinou-nos a convento por dentro. Desde aqui, gracinhas pola tua atençom!

Foto_O claustro do convento

Nom só nos fijo acompanhar o processo de cultivo ecológico na horta, senom que também nos explicou em pormenor a história recente e o futuro do belo convento em que se encontra, recentemente declarado Bem de Interesse Cultural.

No invernadoiro mantenhem umha dura luita com um verme que devora as    leitugas e as raízes das couves que ali se plantam. Este bicho resiste a diferentes técnicas ecológicas, como o azeite de onim, cozedura de urtigas… mas na Amipa continuam a tentá-lo… Estas dificuldades som a outra cara da  agricultura ecológica.



Com Pardal soubemos que as galinhas que nos fornecem ovos todos os meses som de duas raças: as pinheiras e as de Mós.

Fotos_         Galinhas de Mos                                                   Galinhas pinheiras

Agora, depois de um dia a campar por umha carvalheira que tenhem ao lado, e que podedes ver na foto de baixo, voltárom dormir à capoeira.

Este projeto de horta ecológica tem 3 ou 4 anos de vida e desde há um ano possui o certificado de CRAE(Consejo Regulador de la Agricultura Ecológica). Agora planificam ampliaçom da plantaçom de laranjeiras com variedades que permitam a colheita de laranjas mais meses por ano.



A actividade económica non é neutral. Non se desenvolve mediante mecanismos automáticos, involuntarios ou inintencionais.

Toda decisión económica é, definitivamente, unha decisión ética, asumida desde un marco determinado de conviccións e con consecuencias que favorecen a unhas persoas e prexudican a outras.

Cada vez máis persoas e colectivos van sendo conscientes desta realidade e intentan tomar decisións sobre o destino dos seus aforros, sobre as súas solicitudes de crédito ou as súas inversións, con responsabilidade, baseándose nunha información fiable e suficiente. Xorden así preguntas como as seguintes:

-Cobre o sistema bancario actual as nosas demandas como aforradoras, consumidoras ou inversoras?

-Atopan, asociacións e persoas, respostas nas entidades bancarias tradicionais?

-Onde e desde que criterios invisten os nosos cartos as institucións financieiras?

-Respostan as entidades financieiras ás demandas das nosas sociedades e, especialmente, ás que proveñen de sectores desfavorecidos?

-Existe un modelo alternativo de banca que sitúe esas demandas no centro da súa misión, visión e valores?

A pretensión de dar respostas satisfactorias a estas preguntas atópase no inicio e na base do proxecto de Banca Ética de Fiare.

COMO PARTICIPAR DO PROXECTO DE BANCA ÉTICA DE FIARE.

Anímate e convértete en:

• Socio/a promotor/a: contribúe co seu tempo á construción e difusión do proxecto, participando con voz e voto na toma de decisións.
  • Achega de capital social: persoa física, mínima de 300 €; persoa xurídica, mínima de 600 €.
  • Achega de fondos adicionais para gastos de constitución do proxecto (fondo perdido): a partir de 30 € as persoas físicas, e de 300 € as persoas xurídicas.
• Socio/a colaborador/a: contribúe ao proxecto pero non está en disposición de asumir o compromiso de traballo do socio/a promotor/a.
  • Achega de capital social: persoa física, 300 €; colectivos, 600 €; empresas e institucións públicas, 1.800 €.
  • Opcionalmente pode contribuír aportando fondos para gastos de constitución do proxecto (fondo perdido).

Ser entidade ou persoa social promotora ou colaboradora posibilitará a participación democrática na futura cooperativa de crédito.

Para conseguir que o anterior sexa posible podemos colaborar de moitos xeitos, todos eles son importantes e necesarios. Son fundamentais as achegas económicas, pero tamén son indispensables o traballo de difusión e formación, a cesión dun espazo no propio local, participar nos equipos de traballo (difusión, materiais etc.), colaborar nos grupos locais (polo momento na Coruña, Vigo e Santiago, e en creación noutras cidades galegas) etc.

Polo tanto, se facer unha achega económica non é posible polo momento para ti ou para a túa asociación ou colectivo, non te preocupes, hai moitas máis formas de participar como acabas de ler. Comenta as túas posibilidades, fai suxestións etc. no correo:

Seis organizacións e o movemento das ‘Indignadas’ impulsan mañá
en Compostela un mercadiño Para consumir sen nos consumir

Hoxe (xoves 21), os colectivos ADEGA, Amarante, Equisol, a Gentalha do Pichel, Panxea e
Verdegaia levan á Praza do Toural ideas prácticas para un
consumo máis consciente coa colaboración das Asembleias do 15-M.

Ás portas do Nadal e para respostar á chamada ao consumo e aos
excesos propios destas datas estas organizacións propóñennos
un mercadiño alternativo onde se amosará outro xeito de facer a compra.

Tamén desenvolverán: un obradoiro de xoguetes feitos con materiais de refugallo, unha xornada de troco, e información sobre a pegada ecolóxica e social que xeran os nosos hábitos de consumo. Son algunhas das actividades que se propoñen para este xoves, 21 de decembro.

-Máis información na páxina de ADEGA ou Verdegaia.

Nos últimos anos agromaron con forza distintas cooperativas de consumo no noso país que, sumadas ás xa existentes, configuran unha realidade cun tremendo potencial de traballo.

Raúl Asegurado, presidente da asociación Fiare Galiza, comentaranos a situación da banca ética a nivel galego e estatal, amosaranos a situación do proxecto Fiare en Galiza, resolverá dúbidas e convidaranos a facer parte deste proxecto que prentende consolidarse en todo o territorio estatal para ser unha realidade.

O concello de Redondela organiza unha xornada técnica sobre a mazá

O sábado 26 de novembro analizarase o potencial que o cultivo desta froita pode ter como recurso económico na zona de Redondela

A Concellaría de Desenvolvemento Local do concello de Redondela, en colaboración coa cooperativa Trespés, organiza para o próximo sábado 26 de novembro unha xornada técnica sobre a mazá, que ten como obxectivo mostrar as potencialidades que este cultivo pode ter como recurso económico. A celebración da mesma desenvolverase no centro cultural da parroquia de Negros, dada a longa tradición que o cultivo da mazá ten neste lugar.

Na contorna das parroquias que conforman o val do Maceiras, a produción de mazás destacou como un dos cultivos máis salientábeis no pasado. Na zona consérvase unha memoria do cultivo, cunha forte identificación con este froito por parte dos seus habitantes. Na parroquia de Negros organízase cada ano unha festa de exaltación da mazá.

Coa celebración desta xornada, desde a administración municipal pretendemos avaliar as posibilidades e dificultades existentes para a posta en marcha de iniciativas empresariais centradas na mazá, ofrecendo unha visión do contexto do cultivo da mazá en Galicia. É por iso, que o programa resposta a un duplo enfoque. Por unha banda, vanse abordar cuestións técnicas referidas ás castes autóctonas de mazás, ás políticas de desenvolvemento rural, ás liñas de apoio existentes para a posta en marcha de iniciativas empresariais e á análise da fórmula cooperativa como ferramenta de auto-emprego.

Ao tempo, presentaranse diversas iniciativas que teñen a mazá como eixo e que xurdiron nos últimos anos en Galicia, e poderían ser vías a desenvolver na zona. No ámbito produtivo imos contar coa dúas experiencias de explotacións de mazá, unha en Campo Lameiro e outra na zona das Neves. Teremos tamén a experiencia de Ullama, unha cooperativa de pequenos produtores que comercializan a produción de xeito conxunto. Mostráranse iniciativas de transformación, como Frugal, unha cooperativa de Culleredo que vende froita deshidratada e que veñen de recibir o premio aos valores cooperativistas no ano 2011, ou a produción de sidra realizada por Customdrinks, empresa radicada na zona de Chantada e que centra a súa produción na sidra ecolóxica e no vinagre de mazá.

As xornadas son abertas ao público en xeral, sendo preciso formalizar a inscrición no correo electrónico aedl@redondela.es ou no teléfono 986 110045.

Programa das xornadas

10:00 Apertura das xornadas

Dna. Ana Alonso. Concelleira de Desenvolvemento Local

10:15 (Re)imaxinar o autóctono. Diversidade, proximidade e complementariedade

Afonso Touceda. Técnico da Asoc. de produtores Lentura

11:00 As castes galegas de mazá

Santiago Pereira. Profesor Titular da Escola Politécnica Superior de Lugo. USC

11:45 Debate

12:00 Café

12:15 Políticas e iniciativas para o desenvolvemento rural

Eva Gil Solla. Técnica de Dinamización rural GDR18

13:00 A economía solidaria, alternativa para o desenvolvemento socio-comunitario

Ramón Carmelo. Técnico da Fed. de Cooperativas Sinerxia

13:45 Debate

14:00 Xantar

16:15 A produción ecolóxica de mazás. Entre a tradición e a innovación

Rosa Ramonell. Campo Lameiro / César Garcia. As Neves

17:00 Maceiras da Ulla. Unha experiencia para a comercialización

Miguel Soto. Técnico Asesor da Cooperativa Ullama

17:30 Abrindo camiños na transformación: A froita deshidratada

José Andrés Riande. Frugal. Soc. Coop. Galega

18:00 Elaboración de sidra en Customdrinks

Cristina Vázquez. Responsábel de produción de Customdrinks

18:30 Debate

18:45 Clausura das xornadas

Información de interese

Lugar de celebración: Centro Cultural de Negros (Redondela)

Inscrición até o 24 de novembro no correo aedl@redondela.es ou no tfno 986 110045

Para aquelas persoas que o desexaran, a organización ofrece un xantar (prezo 8 euros)

Tfnos contacto: 986 402664 Departamento de Desenvolvemento Local. Concello de Redondela

986 110045 Trespés Soc. Coop. Galega

Organiza: Concellaría de Desenvolvemento Local

Desenvolve: Trespés Soc. Coop. Galega

Esther Vivas activista altermundista, representante de Izquierda Anticapitalista, é membro do Centro de Estudos sobre movementos sociais da Universidade Pompeu Fabra e colaboradora da Universidade Autónoma de Barcelona. É autora de libros como Del Campo al Plato ou Resistencias Globales. De Seattle a la crisis de Wall Street, entre outros.

Gustavo Duch colaborador de movementos e campañas sobre Soberanía Alimentaria dos Pobos, é un dos fundadores de Veterinarios sen Fronteiras e autor de libros como Lo que hay que tragar ou Alimentos Bajo Sospecha. Colabora habitualmente en El Periódico de Catalunya, Público e El Correo Vasco.

Carmen Freire, Secretaría Xeral do Sindicato Labrego Galego>>> (SLG). O SLG forma parte da Vía Campesina (Movemento a nivel mundial de labregos e labregas) e da Coordinadora Europea – Vía Campesina (CE-VC).
O curso é de balde, estará dividido en tres xornadas e contará tamén cunha mesa redonda. Levarase a cabo na Facultade de Ciencias Políticas da USC, en Santiago de Compostela, en horario de tarde.

Neste enlace atoparedes toda a información relativa ao programa, ás formadoras e ás inscricións. Esperamos contar coa vosa participación!

NA ALAMEDA DE REDONDELA

PROGRAMA: